Taunggyi- The Cherry Land

အတိတ်က အမှတ်တရများ

taunggyicherryland — Tue, 31 Jul 2007 09:08:00 +0000

လူတော်တော်များများက တက္ကသိုလ်ဘ၀ကို ပြန်ပြောင်းအောက်မေ့လေ့ ရှိကြပေမယ့် ကျမကတော့ တက္ကသိုလ်ကျောင်းသား ဘ၀ထက် အထက်တန်း ကျောင်းသား ဘ၀ကို အလွမ်းပိုမိပါတယ်။
ဘယ်ကျောင်းကလဲလို့မေးရင် ထ (၄)က လို့ အမြဲ ဂုဏ်ယူစွာ ပြောနိုင်အောင်ဘဲ တောင်ကြီး အ.ထ.က (၄) က တောင်ကြီးမြို့ ဂုဏ်ဆောင် ကျောင်းတစ်ကျောင်း ဆိုရင် မမှားဘူး ထင်ပါတယ်။

အ.ထ.က (၄) ရဲ့ ကျောင်းတော်ရိပ်ကို ငါးတန်းကျောင်းသူ အဖြစ်နဲ့ စတင် ခိုလှုံခဲ့တယ်။ အလွန်စည်းကမ်းကြီးတဲ့ ကျောင်းအုပ်ဆရာမကြီး ဒေါအေးချစ် ကို အရင်ဆုံး သိခဲ့ရတယ်။ ဆရာမကြီး ကျောင်းတစ်ပါတ်လှည့်ကြည့်လိုက်ရင် ကျောင်းကြီး တစ်ကျောင်းလုံး အပ်ကျသံတောင် မကြားရအောင် တိတ်သွားခဲ့တယ်ဆိုရင် ဘယ်လောက်စည်းကမ်းကြီးတယ်ဆိုတာ မှန်းကြည့်လို့ ရမှာပါ။

တောင်ကြီးမှာ ကျောင်းတက်ရတာနဲ့ တခြားမြို့တွေမှာ ကျောင်းတက်ရတာနဲ့ အဓိက ကွာခြားချက်ကိုတော့ တန်ဆောင်တိုင်ရောက်တိုင်း မေ့နိုင်ကြမှာ မဟုတ်ပါဘူး။ တန် ဆောင်တိုင်နားနီးရင် တောင်ကြီးက ကျောင်းသားတွေကို ဘယ်လိုမှ စာကျက်ခိုင်းလို့ မရတော့လို့ ဆရာမ အားလုံး စိတ်ညစ်ကြရတယ်။ အားလုံးရဲ့ စိတ်က ဘုံကထိန်ဆီ ရောက်နေပြီလေ။ အားလုံးက ဒီတစ်နှစ် ဘာအရုပ်ချိုးမယ်။ တစ်ခြားကျောင်းထက် ဘယ်လို သာအောင် လုပ်မယ်ဆိုတာ နေ့မအား ညမအား စဉ်းစားနေကြတယ်။ ဘုံကထိန်က အတန်းထဲက ကျောင်းသားတွေကို ပိုပြီး စည်းလုံးစေခဲ့တယ်။ ဒီလို အတွေ့ အကြုံမျိုးကို တခြား ဘယ်မြို့က ကျောင်းသားမှ ရနိုင်မှာ မဟုတ်ဘူးလို့ ကျမထင်တယ်။

ချယ်ရီဆိုလို့ ကျမ မှတ်မိသလောက် ၆တန်း ၇တန်းလောက်အထိ ကျောင်းထဲမှာ ချယ်ရီပင် အချို့ ရှိခဲ့တယ်။ ချယ်ရီပန်းတွေ ပွင့်ချိန်ရောက်ရင် ဆရာမတွေကော ကျောင်းသားတွေပါ ချယ်ရီပန်းတွေ အလုအယက် ခူးခဲ့ကြဖူးတယ်။ နောက်ပိုင်းတော့ အမှုမဲ့ အမှတ်မဲ့ ဖြစ်သွားခဲ့ပါတယ်။ ကျောင်းဝင်းထဲမှာ ချယ်ရီပင်တွေ ရှိသေးလားဆိုတာ အခုမှ ပြန်စဉ်းစားမိတယ်။

P.S ကျောင်းရဲ့ပုံကို တင်ပေးချင်ပေမယ့် ကျောင်းနဲ့ ဝေးတဲ့ တစ်နေရာမှာ ရောက်နေလို့ မတင်ပေးနိုင်လိုက်ဘူး။

black match (or) စနစ်ကြိုး

taunggyicherryland — Tue, 31 Jul 2007 05:54:00 +0000

Fuse လို့ခေါ်တဲ့ စနစ်ကြိုးလေးတွေက ယမ်း လုပ်ငန်း လုပ်ရာမှာ တော်တော် အသုံးဝင်ပါတယ်။ ကျွန်တော် လေ့လာမိသလောက် စနစ်ကြိုး ပုံစံတွေ တော်တော်များများရှိပါတယ်။ အဲဒါတွေကတော့

Black Match
Electrical Ignitor
Falling Leaf Fuse
Flying Fish Fuse
Paper Tape Quick Match
Quick Match
Slow Match
Spolette
Time Fuse
Visco Fuse

အဲဒီ စနစ်တွေ ထဲမှာ Black Match က အခြေခံ အကြဆုံးပါ။ Black Match တခုရဲ့ လောင်ကြွမ်းချိန်က ယေဘူယျ အားဖြင့် ၁ လက်မ ကို ၁ စက္ကန့်ပါ။ ကျွန်တော် တို့ အသုံးပြုတဲ့ Black Powder အရည်အသွေး ပေါ်မှု တည်ပြီးမှ လောင်ကြွမ်းချိန် တွေ ကွာခြားသွားမှာပါ။

Black Match ကို ပြုလုပ်ဖို့ လိုအပ်တဲ့ ပါဝင်မှုတွေက……

Formula
Black Powder : 30%
Dextrin : 3% (ကော်မျိုးနွယ်ဝင်)

Black Match ပြုလုပ်ဖို့ လိုအပ်တဲ့ ပစ္စည်း

Tools
စက္ကူခွက် ၂ လုံး
spray ဘူး ၁ ခု
တုတ်တံ ၁ ချောင်း
နိုင်လွန်ကြိုး

Method
1. Black Powder 30% နှင့် Dextrin 3% ကို စက္ကူခွက်တွင်း ထည့်ပါ။ ပြီးလျှင် သမအောင်မွှေပါ။
2. spray ဘူးထဲသို့ အရက်ပျံ 25% နှင့် ရေ 75% ရောပါ။
3.အဖုံးတွင် အပေါက် ဖောက်ထားသော စက္ကူခွက် အလွတ် တလုံး ထဲသို့ (1) မှ ဟာကို ပြောင်းထည့်ပါ။
4. spray ဖြင့်ဖြန်း ပါ။ သမအောင်မွှေပါ။
5. နိုင်လွန်ကြိုးကို ခွက်တွင်ထည့်ပါ။ ၁ မိနစ်ခန့် မွှေပေးပါ။
6. နိုင်လွန်ကြိုးကို အခြောက်ခံပါ။ (ရက်အနည်းငယ်ကြာသည်အထိ)

Black Match လို့ခေါ်ပါတယ်

လိုအပ်တဲ့ tools တွေပါ။

spray ဖြန်းနေစဉ်

ဒါက နိုင်လွန်ကြိုး

ပလပ်စတစ် အဖုံးကို ဒီလို အပေါက် ဖောက်တယ်။

နိုင်လွန်ကြိုးကို ၁ မိနစ်လောက် မွှေဖို့ မမေ့နဲ့နော်။

မှန်စာ ကြိုးတိုက်သလိုလေးလေ။

ဒါကတော့ အခြောက်ခံပြီးသွားပြီ။

Black Match ကို movie အနေနဲ့ ကြည့်ချင် တဲ့သူတွေ အတွက် ဒီမှာ ယူပါ။

1st ICT Exhibition 2007 Shan State

taunggyicherryland — Tue, 31 Jul 2007 05:14:00 +0000

1st ICT Exhibition 2007 Shan State

ဓါတ်ပုံတွေလှန်ပြန်ရှာရင်း ICT ပွဲတုန်းက ရိုက်ထားတာတွေ တွေ့လို့ အမှတ်တရ Virtual Tour အဖြစ် တောင်ကြီးချယ်ရီမြေမှာ တင်ပေးလိုက်ပါတယ်။ ဒီပွဲက Asia Communication 2007 ကိုတော့ ဘယ်မှီပါ့မလဲ။ ဒါပေမဲ့ ကျွန်တော်တို့ အတွက်တော့ Enough လို့ ပြောလို့ရပါတယ်။

ယနေ့ ICT နှင့်တောင်ကြီး

taunggyicherryland — Tue, 31 Jul 2007 03:54:00 +0000

တောင်‌ကြီးမြို့သို့ အကြိမ်ပေါင်းများစွာ ရောက်ခဲ့ဖူးပါတယ်… ဒီအတိုင်းပဲ အလည်သွားတာပါ… ဒါပေမယ့် လွန်ခဲ့တဲ့ နှစ်နီးပါမှာ အလုပ်ကိစ္စနဲ့ တောင်ကြီးမြို့ကို ရောက်ခဲ့တယ်.. အဓိက ကတော့ သတင်းအချက်အလက်နဲ့ ဆက်သွယ်ရေး နည်းပညာဆိုင်ရာ ကိစ္စတွေနဲ့ပေါ့ အားလုံးရဲ့ အကူအညီတွေနဲ့ ရှမ်းပြည်နယ်တောင်ပိုင်းမှာ ICT ဆိုင်ရာ လုပ်ငန်းများစွာကို လုပ်ကိုင်ခွင့် ရခဲ့တယ်… ဒီလိုနဲ့ပဲ ရှမ်းပြည်နယ် တောင်ပိုင်းမှာ ပထမအကြိမ် သတင်းအချက်အလက် ဆက်သွယ်ရေး နည်းပညာပြပွဲတစ်ခု ပြသနိုင်ဖို့ တတ်နိုင်တဲ့ဘက်က ကူညီပေး ခဲ့တယ်…. အဲဒီ ပြပွဲကြီးကလဲ အတိုင်းအတာ တစ်ခုအထိတော့ အောင်မြင်ခဲ့ ပါတယ်….

ပြပွဲဖွင့်ပွဲ

တစ်ပြိုင်နက် ရှမ်းပြည်နယ်တောင်ပိုင်း (ကွန်ပျူတာ ပညာရှင်အသင်းနဲ့ ကွန်ပျူတာ လုပ်ငန်းရှင်အသင်း)ကိုပါ တပြိုင်တည်း ဖွဲ့စည်းခဲ့ကြတယ် ဆိုပါစို့…..

အဲဒီလိုနဲ့ နောက်ပိုင်း တောင်ကြီးကိုရောက်တိုင်း ရှမ်း(တောင်) ရဲ့ ICT အခြေအနေဟာ မထင်လောက်အောင်ကို တိုးတက်လာပါတယ်… တောင်ကြီးမြို့ပေါ်မှာ Internet သုံးစွဲမှုကလည်း အရှိန်အဟုန်နဲ့ကို များပြားလာတာ တွေ့မြင်ရတယ်…. တောင်ကြီးသား မဟုတ်ပေမဲ့ ရှမ်း(တောင်)ကိုတော့ သံယောဇဉ် ဖြစ်မိတာအမှန်ပဲ… ကျွန်တော်လုပ်ပေးနိုင်တဲ့ ကိစ္စတွေကို အမြန်ဆုံး ဖြစ်အောင် ဆောင်ရွက်ပေးချင်ပါတယ်…

ICT ကဏ္ဍတိုးတက်အောင် ဆောင်ရွက်လိုတဲ့ လူငယ်တွေဟာ အတော်ကို စုစည်းမိနေတာကို သတိပြုမိ ပါတယ်… နည်းပညာပိုင်းဆိုင်ရာ ဖြန့်ဝေတဲ့ ဟောပြောပွဲတွေ အပတ်စဉ် လုပ်ကြတာမြင်ရတာ ကြည်နူးမိတယ်…

ဟောပြောပွဲတစ်ခု

ဟိုပုန်း၊ မိုင်းပွန်၊ လွိုင်လင်၊ ပင်လုံ၊ လဲချား၊ အောင်ပန်း၊ ကလော၊ ညောင်ရွှေ၊ အဲဒီဒေသတွေကို ရောက်ဖူးတယ်… အခုနောက်ဆုံး တစ်ခေါက် ရောက်တော့ စဉ်းစားမိတာတစ်ခုက ရှမ်း(တောင်)မှာရှိတဲ့ မြို့တွေမှာVoice Communication စနစ်ရှိဖို့ ဆောင်ရွက် ပေးချင်ခဲ့တယ်… ရန်ကုန်ပြန်တဲ့ လမ်းခရီးမှာ အတွေးနှစ်ခု ပါလာတယ်… တစ်ခုက Internet သုံးစွဲသူတွေ အဆင်ပြေဖို့ Bandwidth တိုးမြှင့်ဖို့နဲ့ နောက်တစ်ခုက နယ်မြို့တွေမှာ Voice Communication စနစ် ကောင်းမွန်ဖို့ပါပဲ… တောင်ကြီးမြို့ခံ တွေကလည်း ICT ကဏ္ဍတိုးတက်ဖို့ ကြိုးစားနေကြတယ်… ကျွန်တော်လည်း အဲဒါကိုပဲ ပိုမိုတိုးတက်အောင် တတ်နိုင်တဲ့ဘက်က ကူညီဖို့ပါပဲ… အဓိကကတော့ ရှမ်း(တောင်)ရဲ့ ICT ကဏ္ဍဟာ အရင်ကထက် အဆပေါင်းများစွာ တိုးတက်လာတယ် ဆိုတာကို ပြောချင်ပါတယ်… ရှမ်းပြည်နယ်တောင်ပိုင်း ကွန်ပျူတာအသင်းတွေကလည်း စည်းစည်းလုံးလုံး ဒီထက်ပ်ိုပြီး ကြိုးစားသွားရင် နောက်နှစ် အနည်းငယ်လောက်မှာ ရှမ်း(တောင်)ရဲ့ ICT ကဏ္ဍဟာ မြို့ကြီးတွေမှာလိုပဲ တိုးတက်လာမယ်ဆိုတာ ယုံကြည်နေတယ်ဗျာ…

“ပြိုင်တူတွန်းရင် ရွေ့နိုင်ပါသည်” ဆိုတဲ့ စကားလေးကိုတော့ သဘောကျမိ တယ်ဗျာ…

(Note: ယခုလောလောဆယ် တောင်ကြီးမြို့ရဲ့ Internet Bandwidth က Total 10MB ရှိပါတယ်။ အဲ့ဒါကို Internet Client တွေ Share လုပ်ပြီး သုံးနေပါတယ်။ Client တစ်ဦးချင်းအနေနဲ့ ADSL ကို 256Mbps, 128Mbps နဲ့ အသီးသီးသုံးစွဲ နေကြပါတယ်။ iPSter လဲ Client ၂ခု၊ ၃ခုလောက် ရှိပါတယ်။ အများစုကတော့ ADSL ပဲ သုံးကြပါတယ်။ ADSL Client ဘယ်နှစ်ခု ရှိပြီလဲ ဆိုတာတော့ သေသေချာချာ မသိသေးပါ။ အသင်းရုံးခန်း ဓါတ်ပုံကတော့ အဆင်သင့်မဖြစ်သေးလို့ မထည့်ပေးလိုက်တာ စိတ်မရှိပါနဲ့ ကိုငြိမ်းချမ်းဌေး ခင်ဗျား Admin)

ကွပ်လပ်လေးတစ်ခု ဖြည့်ပေးပါ

taunggyicherryland — Tue, 31 Jul 2007 03:37:00 +0000

ကျွန်တော်လည်း ဒီတစ်ခေါက် တောင်ကြီးက ပြန်လာပြီးကတည်းက ခင်ဗျားတို့ကို အားကျလို့ ကိုယ်ပိုင် blog တစ်ခုလုပ်ထားတယ်… နည်းပညာပိုင်းအရ မလုပ်တတ်တာရော၊ ဘာအကြောင်း တင်ရမလဲဆိုတာရော စဉ်းစားရင်းက ကျွန်တော့် ကောင်မလေးကလဲ” မလောပါနဲ့ ကောင်းအောင်ဖြည်းဖြည်း စဉ်းစားပြီးမှရေးပါ ” ဆိုတာရယ်ကြောင့် ဘာမှကိုမလုပ်ဖြစ်ခဲ့ဘူး…

တောင်ကြီးသား မဟုတ်ပေမဲ့ တောင်ကြီး(ရှမ်းတောင်)ကို သံယောဇဉ် ရှိနေတော့ ခင်ဗျားတို့ Blog ကို အားဖြည့်မယ်လို့ စဉ်းစားခဲ့တယ်… ဒီတစ်ခါတော့ တောင်ကြီးမြို့ရဲ့ လိုအပ်နေတဲ့ အရာလေးတစ်ခုလို့ ထင်တာကို ရေးလိုက်ချင်တယ်…

တစ်ခါက တောင်ကြီးကို ရောက်တော့ အသိလူကြီးတစ်ယောက်နဲ့ စကားပြောရင်း သူကပြောတယ် ” ရှမ်းတောင်လာတဲ့ နိုင်ငံသား ခရီးသွားတွေက ပင်းတယ၊ ကလော၊ အင်းလေးထဲကို ၀င်သွားကြတယ်… တောင်ကြီးမြို့ပေါ် တက်မလာကြဘူး”တဲ့ အဲဒီစကားလေးကို စဉ်းစားမိရင်း တောင်ကြီးမြို့ပေါ်မှာ နိုင်ငံခြားသား ခရီးသွားတွေကို ဆွဲဆောင်နိုင်မဲ့ အရာတစ်ခု လိုအပ်နေတယ်လို့ ထင်တယ်ဗျာ…

တောင်ကြီးမြို့ပေါ်က သိသမျှ စီးပွားရေးသမားတွေနဲ့ တွေ့တော့ သူတို့တွေက “မိုင်းရှူးခေတ်လောက် စီးပွားရေးမကောင်းဘူး” ဆိုပြီး ညည်းကြတယ်… အင်းလေးဒေသဆိုရင် အင်းလေးကန်ရဲ့ ဆွဲဆောင်မှု့၊ အင်းလေး ဓလေ့ရဲ့ ဆွဲဆောင်မှု့တွေကြောင့် နိုင်ငံခြားသား ခရီးသွားတွေ ၁၂ရာသီပတ်လုံး မပြတ်အောင် လာကြတယ်…ဒါကြောင့် တောင်ကြီးမြို့ပေါ်ကို နိုင်ငံခြား ခရီးသွားတွေ တက်လာဖို့ တစ်ခုခုလိုနေတယ်ဆိုတာ သေချာတယ်… ကျွန်တော် စဉ်းစားမိတာ တစ်ခုကတော့ တောင်ကြီးမြို့ရဲ့ အထင်ကရ နာမည်ကြီးတဲ့ မီးပုံးပျံလုပ်တာတို့၊ မီးပုံပျံ လွှတ်တင်တာတို့ကို နေရာလေးတစ်ခု သတ်မှတ်ပြီး လုပ်ပြရင် ကောင်းမယ်… နိုင်ငံခြားသား ခရီးသွားတွေကို မီးပုံးပျံ ကိုယ်တိုင်လုပ်၊ ကိုယ်တိုင် လွှတ်တင်တဲ့ လုပ်ငန်းလေး တစ်ခုနဲ့ ဆွဲဆောင်လို့ ရနိုင်မယ်လို့ ထင်တယ်… နောက်တစ်ခုက (လုပ်လို့ရ၊ မရတော့မသိဘူး) မီးပုံးပျံ စီးပြီး တောင်ကြီးနဲ့ ပတ်ဝန်းကျင် ရူ့ခင်းတွေကို လေ့လာကြည့်ရူ့တာတို့ကို လုပ်နိုင်ရင် ကောင်းမယ်ဗျာ… (ပုဂံမှာ မီးပုံးပျံစီးပြီး ပုဂံရူ့ခင်းတွေကို ကြည့်တာမျိုးကို ဆိုလိုတာပါ။) ခင်ဗျားတို့ အပါအ၀င် အားလုံး တောင်ကြီးမြို့ကြီး ယခုထက် ပိုစည်ကားပြီး စီးပွားရေး ဖွံ့ဖြိုးတိုးတက်ဖို့ ကျွန်တော် ပြောပြတဲ့ အရာလေးကို ၀ိုင်းဝန်းဆွေးနွေး ကြပါဦး… ဒါအပြင် တခြားခရီးသွား နိုင်ငံခြားသားတွေကို ဆွဲဆောင်နိုင်မဲ့ အရာလေးတွေ ရှိရင်လည်း စဉ်းစားပြီး အကောင်အထည် ဖော်ပေးရင်းနဲ့ တောင်ကြီးမြို့ရဲ့ လိုအပ်နေတဲ့ ကွပ်လပ်လေးတစ်ခုကို ဖြည့်ဆည်းပေးကြ ပါစို့လားဗျာ…

(စာကြွှင်း။ ။ ဒီစီးပွားရေး လမ်းစလေးကို ခင်ဗျားတို့ အကောင်အထည် ဖော်လို့ အောင်မြင်ခဲ့ရင် ကျွန်တော်ကိုတော့ ပစ်မထားကြနဲ့ဗျာ… )

ငြိမ်းချမ်းဌေး

Disney Fried Chicken and Noddle

taunggyicherryland — Mon, 30 Jul 2007 16:53:00 +0000

ဒီတခါကတော့ Disney ကြက်ကြော်ဆိုင်ကို မိတ်ဆက်ပေးပါမယ်။ လူငယ်တွေကြားမှာ ရေပန်းအစားဆုံး ဆိုင်တစ်ဆိုင်လဲဖြစ်ပါတယ်။ နေရာက အရှေ့မြို့ပတ်လမ်းနဲ့ အ၀ိုင်းပတ်လမ်းဒေါင့်မှာ ရှိပါတယ်။ တောင်ကြီးမြို့ရဲ့ တစ်ခုတည်းသော အ၀ိုင်းနားမှာပါ။

ကြက်သား၊ အာလူး အကြော်ခန်း

အဓိက နာမည်ကြီးတဲ့ အစားအစာက အမေရိကန် ကြက်ကြော်နဲ့ ပြင်သစ် အာလူးကြော်ရယ်၊ Cocktail တွေရယ်ပဲ ဖြစ်ပါတယ်။ ရန်ကုန်က မမလေးတွေ ဆိုရင် တောင်ကြီးရောက်ရင် Cocktail သောက်ဖို့ Disney ကိုပဲ ပြေးကြပါတယ်။ ( Cocktail လောက်ပဲ သောက်တတ်တဲ့ သူတွေကို ပြောတာပါ။ ဒီထက် ပျင်းပျင်း သောက်တက် သူများအတွက်တော့ တခြား ဆိုင်ကောင်းကောင်းတွေ သွားရမယ်နဲ့ တူပါတယ်။ ) နောက်ပြီး Mandalay ရေခဲမုန့်လဲ ရတယ်လို့ တွေ့ရပါတယ်။ တခြား Light နဲ့ Heavy Food တွေ လဲ ရပါတယ်။

Menu ပါ ရိုက်တုန်းက မှောင်နေလို့ ၀ါးသွားပါတယ်။

Menu ကျောဘက်ပါ

တခြားမြို့က ဧည့်သည်တွေ လာရင်လဲ Disney လိုမျိုးဆိုင်ကို ရွေးကြတာများပါတယ်။ ဈေးနှုန်းကလဲ အသင့်အတင့်မို့ အဆင်ပြေပါတယ်။ စာအုပ်စင်လေးလဲ ရှိလို့ အပျင်းပြေ စာဖတ်လို့ ရပါသေးတယ်။ ကလေးငယ်လေး ပါသော မိသားစုတွေ အတွက်လဲ အဆင်ပြေအောင် Child Chair လေးတွေလဲ စီစဉ်ပေးထားတာ တွေ့ရပါတယ်။ ဆိုင်လေးကလဲ တောင်ကြီးမြို့မှာ တော်တော်လေးလဲ ကြာပြီလို့ ထင်ပါတယ်။ အခြား အကင်ဆိုင်တွေ အကြော်ဆိုင်အသစ်တွေ ဖွင့်လာလဲ Disney မှာတော့ လူပုံမှန်ရှိပါတယ်။ ဆိုင်က တည်တည် ငြိမ်ငြိမ်လေးရှိပါတယ်။ ပြင်ပြင်ဆင်ဆင်လေးလဲ လုပ်ထားပါတယ်။ ထူးခြားတာလေးတစ်ခုက တစ်ခုခုစားလို့ အမှိုက်ထည့်ချင်ရင် စာရွက်ခေါက်လေးနဲ့ လုပ်ထားတဲ့ စ(က်ကူ)ခွက်လေးတွေ သုံးရတာပါ။ တခြား ဆိုင်တွေမှာတော့ အဲ့ဒီလို စာရွက်ခေါက်လေးတွေကို သုံးတာ မတွေ့မိဘူး။ ဓါတ်ပုံရိုက်ခဲ့ဖို့ မေ့သွားတာတော့ ခွင့်လွတ်ပါ။

ဆိုင်အတွင်းဘက်မြင်ကွင်း

ကျွန်တော်တို့တွေ မကြာမကြာ သွားထိုင်ဖြစ်တဲ့ ဆိုင်လေးပါ။ ထိုင်လို့၊ သောက်လို့၊ စားလို့ ကောင်းသောဆိုင် တစ်ဆိုင်ပေါ့။ တောင်ကြီးရောင်လို့ Disney မရောင်ဖူးခဲ့ဘူးဆိုရင် တောင်ကြီးမြို့ မနှံဘူးလို့ ယူဆလို့ ရပါတယ်။ တခြားမြို့က ဧည့်သည်တစ်ယောက်ဖြစ်ပြီး အိမ်ရှင် တောင်ကြီးသားတွေက Disney မှာ ဧည့်မခံဘူးဆိုရင် စိတ်သာ ဆိုးပြီး၊ ဒေါသထွက် ပြလိုက်ပါတော့။

မှာစားဖြစ်ခဲ့တဲ့ ထမင်းနဲ့ အာလူးကြော်

တောင်ကြီး ချယ်ရီမြေမှာ ထိုင်လို့ ကောင်းသော ဆိုင်များဆိုပြီး မိတ်ဆက်ပေးလာခဲ့တာ အားလုံးလဲ နှစ်သက်မယ်လို့ ထင်ပါတယ်။ တကယ်တော့ ကျွန်တော်တို့ကို ဘယ်သူမှ ကလဲ sponsor မပေးပါဘူး။ ကိုယ့်ဘာသာပဲ သွားလည်၊ မှာစား၊ ဓါတ်ပုံရိုက်၊ ပိုက်ဆံရှင်းနဲ့ တောင်ကြီးချယ်ရီမြေမှာ တင်ပေးဖို့ လုံးပမ်းရတယ်။ လူတွေ က ဘာလဲဟ Camera တဖျက်ဖျက်နဲ့ ဆိုပြီး၊ ကြည့်တာလဲ တစ်ခါတစ်ခါ ခံရသေးဗျ။ အော် တောင်ကြီးချယ်ရီ Blog ကို စမိတာလဲ ရင်မောရ ပါလားနော်။

ဒါပေမဲ့လဲ ကိုယ်ရေးတဲ့ လုပ်ဆောင်ချက်နဲ့ ပါတ်သက်ပြီး၊ Comment လေးတွေ ကြားရရင်တော့ စိတ်ချမ်းသာ ရတာပေါ့လေ။

ချယ်ရီပင်များ စိုက်ပြီးကြောင်း

taunggyicherryland — Mon, 30 Jul 2007 09:19:00 +0000

မနက်က ချယ်ရီတွေ စုကြရအောင်ဆိုတဲ့ Post တင်ပြီး၊ ကျွန်တော် ချယ်ရီ ရှာဖွေရေး လုပ်ပါတော့တယ်.. ခြံထဲက ချယ်ရီပင်တွေကို လိုက်ရှာ၊ နောက် သူ့ဘေးပါတ်ဝင်ကျင်မှာရှိတဲ့ ချယ်ရီပင်ပေါက်တွေ လိုက်ရှာ.. အပင် ၇၅ပင်ကျော် ရလိုက်ပါတယ်… ဒါတောင် အပင်ကြီး တစ်ပင်ကျန်နေသေးတယ်… နောက်တော့မှပဲ ဆက်ရှာပြီး.. တစ်နေရာမှာ စုစိုက်လိုက်ဦးမယ်.. အဟဲ ဓါတ်ပုံပါရိုက်ပြီး သက်သေပြလိုက်ပါတယ်..

ကျားဂူ

taunggyicherryland — Mon, 30 Jul 2007 07:45:00 +0000

တောင်ကြီးအကြောင်းပြောတဲ့အခါ ရှေးဟောင်းနှောင်းဖြစ်တွေပဲ ပြောဖြစ်နေတယ်။
အဝေးရောက်နေတဲ့ ကျွန်တော်နဲ့သကရာဇ်တူတွေပြန်လွမ်းရအောင်ပါ။
အခုလည်း ကျားဂူအကြောင်းပြောပြဦးမယ်။
ရွှေဘုန်းပွင့်နဲ့ မြစိမ်းတောင်အကြားက သဘာဝလှိုဏ်ဂူတစ်ခုပါ။ကျားဂူလို့ ခေါ်ကြတယ်။
အဲ့ဒီတုန်းက 1995 ခုနှစ်လောက်ဖြစ်မယ်။
သူငယ်ချင်းတွေနဲ့ တောတောင်တွေအကြားအပျော်သွားလည်ရင်း အဲ့ဒီကိုရောက်သွားတယ်။
ထမင်းထုပ်တွေ၊မုန့်တွေလည်းပါတယ်။ဓာတ်မီးတွေရော၊ဖယောင်းတိုင်တွေပါယူသွားတယ်။
ဂူအထဲမှာအတော်ကျယ်တယ်။ ၀င်သွားပြီးမှ အထဲမှာထမင်းစားကြတာ။
ဂူကမှောင်တော့ ဖယောင်းတိုင်တွေထွန်းပြီး စားကြတာပေါ့။
နောက်ဆေးလိပ်တွေလည်းသောက်ကြတယ်။
စားပြီးတော့ ဂူအတွင်းပိုင်းကိုဆက်ဝင်ကြတယ်။အတွင်းပိုင်းတော်တော်ဝင်ပြီးတော့
နောက်တစ်ဆင့်ကိုတွေ့ရတယ်။ ဂူကနှစ်ဆင့်( နှစ်ထပ် )ဂူ။
အောက်တစ်ဆင့်မှာ ကရေစီးနေတာကိုဓာတ်မီးရောင်အောက်မှာအတိုင်းသားမြင်ရတယ်။
အပေါ်နဲ့အောက် အဆင့်အကြားမှာက ၇ ပေလောက်အမြင့်ကွာတယ်။
အဲ့ဒါနဲ့ အောက်အဆင့်ကိုအားလုံးဆင်းလိုက်ကြတယ်။
ဆင်းပြီးဆက်လျှောက်သွားတော့ အသက်ရှုရတာအတော်ဆိုးလာတယ်။
နဂိုကတည်းက ဂူထဲမှာအောက်ဆီဂျင်ကနည်းနေတာ။
ဘယ်လောက်ဖြစ်လာသလဲဆိုရင် နထင်ကသွေးတိုးသံကိုပြန်ကြားရအောင်အသက်ရှုကြပ်လာတယ်။
ပြန်တက်တော့မယ်လုပ်တော့ ဆင်းလာတုန်းကအသာလေးဆင်းလာတဲ့ ၇ ပေအမြင့်အပေါ်အဆင့် က
ဘယ်လိုမှပြန်တက်လို့မရတော့ဘူး။
သူငယ်ချင်းတွေအားလုံး ပျာယာခတ်နေတာလည်းပါတယ်.
တက်လို့မရလို့ ထူပူနေတဲ့ကြားမှာ လူကတစ်နေရာတည်း ( အပေါ်အဆင့်ကိုတက်တဲ့နေရာ )မှာ
လာစုနေတော့ လေကပိုနည်းလာတယ်။
အဲ့အချိန်မှာ သူငယ်ချင်းတစ်ယောက်က ငိုပါလေရော။
သူလုံးဝမရတော့ဘူးဆိုပြီးတော့။
ကျွန်တော်လည်း အတွေးတစ်ခုရလိုက်တယ်။ ရေစိုပြီးချောနေတဲ့ အပေါ်အဆင့်ကိုတက်ဖို့
သူငယ်ချင်းတစ်ယောက်ရဲ့ပုခုံးပေါ်ကနေတက်ရင်ဆိုတဲ့အတွေးနဲ့ တစ်ယောက်ရဲ့ပုခုံးပေါ်ကိုတက်လိုက်တယ်။
ကျွန်တော်အရင်ဆုံးအပေါ်ကိုရောက်သွားတယ်။တစ်ယောက်ပြီးတစ်ယောက်ဆွဲတင်တယ်.
သကောင့်သားတွေက အပေါ်အဆင့်လည်းရောက်ရော နောက်ကိုလုံးဝလည့်မကြည့်တမ်းပြေးကြတယ်။
ကိုယ်ကလည်း နောက်ဆုံးကနေလိုက်ပြေးရတယ်။ ဂူထဲမှာလည်း ဖယောင်းတိုင်ထွန်းထားတော့ လေကအတော်ကုန်နေပြီး ဆေးလိပ်ငွေ့တွေကြောင့်လည်း အူထူနေပြီလေ။
အဲ့ဒီအချိန်မှာ သဘာဝအလင်းရောင်ရဲ့ တန်ဖိုးကို ဂူအ၀ကိုလှမ်းမြင်လိုက်တာနဲ့ ကောင်းကောင်းသိသွားတယ်။
အပြင်လည်းရောက်ရော မောကြီးပန်းကြီးနဲ့ အသက်ကောင်းကောင်းရှုပြီး အတော့်ကိုလန့်သွားကြတယ်။
တော်သေးလို့ဆိုပြီး။
နောက်သိပ်မကြာပါဘူး ငိုတဲ့သူငယ်ချင်းရော၊လန့်သွားတဲ့ ကျွန်တော်အပါအ၀င်သူငယ်ချင်းတွေအားလုံး ဒီအဖြစ်အပျက်ကိုမေ့သွားပြီး တဟီးဟီးတဟားဟားနဲ့ တောင်အောက်ပြန်ဆင်းလာခဲ့ကြတယ်။
အဲ့သလိုဗျ…
ကိုမျိုး

black powder

taunggyicherryland — Mon, 30 Jul 2007 06:02:00 +0000

ကျွန်တော် မီးပုံးပျံ ယမ်း ပိုင်းနဲ့ ပတ်သက် ပြီးတော့ နည်းနည်း ပြောပြချင်ပါတယ်။ ဒါပေမယ့် ကျွန်တော် ကိုယ်တိုင်က တော့ ယမ်း ပိုင်းနဲ့ ပတ်သက်လို့ ဘာမှ မတတ်ကျွမ်း ပါဘူး။ တိုင်းတပါးက ယမ်း နည်းပညာ တွေနဲ့ မိတ်ဆက်ပေးချင်ရုံသပ်သပ်ပါ။ ယမ်း ပညာရှင် များကလည်း ၀ိုင်းဝန်း ဆွေးနွေးပေးကြပါလို့ ဖိတ်ခေါ်ပါတယ်။ အခု black powder လို့ခေါ်တဲ့ အခြေခံ ယမ်း လုပ်နည်း ကို ပြောပြပါမယ်။black powder ကို ဘာလို့ အရင်မိတ်ဆက်ပေးရလဲ ဆိုရင် သူက အခြား ယမ်းပိုင်း ဆိုင်ရာ မှာ အခြေခံ အကျ ဆုံးဖြစ်လို့ပါပဲ။ black powder ကို အခြားနာမည် တွေနဲ့ ခေါ်ကြပါသေးတယ်။ လူသိအများဆုံးအခေါ် ကတော့ gun powderပါ။ ကျွန်တော်ကတော့ black powder လိုပဲ ဆက်လက် သုံးစွဲသွားမှာပါ။ black powder ပြုလုပ် ဖို့ဆို ဒါတွေလိုပါတယ်။

Formula
Potassium Nitrate : 150 grams
Charcoal Powder : 30 grams
Sulfur : 20 grams

black powder ရဲ့ သဘောက တွန်းကန် အားပါ။ အဲဒါကြောင့် black powder တွေကို roman candles , Stars တို့လုပ်တဲ့ နေရာမှာ အသုံးများပါတယ်။ အဲဒီ အကြောင်းတွေ နောက်ပိုင်း ဆက်လက် တင်ပေးသွားပါမယ်။ အပေါ်က ဟာကို အချိုးချ ကြည့်ရင် 75%,15%,10% ပါ။ အခု လို chemical တွေ ပေါင်း စပ်ရုံနဲ့ မရသေးပါဘူး။ black powder ပြင်းပြင်းလေး လိုချင်တယ် ဆိုရင် နောက်တခု ထပ်လုပ်ရပါဦးမယ်။ အဲ တခုပြောစရာ ကျန်သေးတာက Charcoal powder ပါ။ သူက ရိုးရိုးမီးသွေး မဟုတ်ပါဘူး။ ကျွန်း မီးသွေးပါ။ ကျောက်မီးသွေး စစ်စစ် ဆိုရင် ပိုကောင်းပါတယ်။ အပေါ်က chemical သုံးခုကို ဓါတ်ပြုပေါင်းစပ် ပေးဖို့လိုပါတယ်။ Ball Mill ကို အသုံးပြုပြီး ဓါတ်ပြုပေးရမှာပါ။ Ball Mill ဆိုတာ ခွက်တလုံးထဲမှာ ခဲသီး လေးတွေ ထည့်ထားတာကို ခေါ်တာပါ။ သူတို့ ဆီမှာတော့ Ball Mill ကို သပ်သပ် ရောင်းပါတယ်။ ကျွန်တော်တို့က တော့ Ball Mill ကို ကိုယ့်ဟာကို လုပ်ယူလို့ ရပါတယ်။

Manufacutre
1. Black Pownder ကို Ball Mill ထဲကို ထည့်ပါ။
2. Ball Mill ကို လှည့်ပေးပါ။
3. 1hr မှ 24hr အတွင်း လှည့်ပေးပါ။
4. Black Powder ကို ပြန်လည် စစ်ထုပ် ပါ။

Black Powder နဲ့ Ball Mill ထဲက ခဲသီးလေးတွေ ဓါတ်ပြု ပေးစေချင်လို့ပါ။ Ball Mill ကို ကြာကြာလှည့်ပေးလေ.. Black Powder ပိုပြင်းလေပါ။

black powder ကို Ball Mill ထဲ ထည့်တဲ့ ပုံပါ

Ball Mill ကို လှည့်တဲ့ ပုံပါ

နောက်ဆုံး Black Powder တွေ ပြန်စစ်ထုတ် နေတာပါ။

ချယ်ရီပင်တွေ စုကြရအောင်

taunggyicherryland — Mon, 30 Jul 2007 04:08:00 +0000

ကျွန်တော် ရူးနှမ်းနှမ်း အဆိုတစ်ခု တောင်ကြီးချယ်ရီမှာ တင်သွင်းချင်ပါတယ်… ဘာလဲဆိုတော့ ကျွန်တော်တို့ တွေ ချယ်ရီကို တကယ်ချစ်တယ်ဆိုရင် အခု Author တွေ ချယ်ရီပင်တွေ လိုက်စုပြီး.. တောင်ကြီးချယ်ရီ ၁နှစ်ပြည့်တဲ့ နေ့ June 5 2008 မှာ ချယ်ရီပင်စိုက်ပွဲလေး လုပ်ဖို့လေ.. အခု ကတည်းက ချယ်ရီပင်တွေ ရသလောက်စုထား၊ ရှာထားကြမယ်.. နောက်နှစ်ကြလို့ ၁သိန်း၊ ၂သိန်း လောက်ရရင် ချယ်ရီဥယျာဉ်လုပ်ဖို့ နေရာတောင်းမယ်… ပြီးရင် ကျွန်တော်တို့ တစ်တွေ ၀ိုင်းပြီးစိုက်ပျိုးပွဲလေး လုပ်မယ်လေ.. မကောင်းဘူးလား..

အဲ့ဒီလို ကျွန်တော်တို့ တတွေ ကိုယ်တိုင် စိုက်ပေးလိုက်ရင် ကျန်တဲ့သူတွေလဲ စိုက်ချင်စိတ်လေး ဖြစ်လာမယ်လို့ ထင်တယ်.. ဒါဆိုရင် ချယ်ရီကိုချစ်ပါတယ်လို့ ပြောနေတာကို လက်တွေ့ ပြရာလဲ ရောက်မယ်လို့ ထင်တယ်.. လှုပ်လှုပ်ရှားရှားလေး ဖြစ်သွားမယ်လေ.. အရင်က ချယ်ရီဝေနေတဲ့ တောင်ကြီးမြို့ကို ကျွန်တော်တို့ကိုယ်တိုင် ကျွန်တော်တို့လက်နဲ့ ပြန်အသက်သွင်းကြမယ်…

အခု တောင်ကြီးကိုလဲ ဥယျာဉ်မြို့တော်ဖြစ်ရမယ်လို့ သက်ဆိုင်ရာက ရည်မှန်းချက်ထား အပင်တွေစိုက်နေတော့ ကျွန်တော်တို့ နေရာတစ်ခုတောင်းရင်၊ ဒီလို အဆိုပြုလိုက်ရင် လက်ခံ အားပေးမယ်လို့ ထင်တယ်လေ.. June လကလဲ မိုးဦးရာသီဆိုတော့ ချယ်ရီစိုက်ချိန်နဲ့ သဟဇာတဖြစ်မယ်လို့ ထင်တယ်.. နောက်တစ်ခုလဲ ရှိတယ်.. ချယ်ရီပင်တွေက ခူ၊ ပိုးယားကောင်တွေ အရမ်းကျတယ်လို့ သိရတယ်.. အဲ့ဒီတော့ ရုပ်ဆိုးတာပေါ့.. အဲ့ဒီလို မဖြစ်အောင် နည်းလမ်းလဲ ကျွန်တော်တို့ ရှာကြံရမယ်နဲ့ တူတယ်..

ကျွန်တော်လဲ အခု ခြံထဲ ဆင်းပြီး ချယ်ရီပင်ပေါက်လေးတွေ ရှာလိုက်ဦမယ်.. အိမ်ရှေ့ မှာ ချယ်ရီပင် ၂ပင်လား၊ ၃ပင်လားမသိ ရှိတယ်လို့ ထင်တယ်.. အခုဆိုရင်တော့ ချယ်ရီပင်မှာ အပွင့်တွေ မရှိလောက်တော့ဘူး.. မော်ဒန် ပန်းချီကားတစ်ချပ်လို ချယ်ရီပင်လေး ကိုယ်လုံးတီး ဖြစ်နေလောက်ပြီ..

ချယ်ရီပင်ပေါက်ကလဲ Admin ပြမှ မြင်ဖူးတော့တယ်.. အရင်က ချယ်ရီပင်ဆိုတာ ဘယ်လိုမှန်းမသိဘူး..

အော် ကောင်းကင်လေးရေ
ငါလဲ
ချယ်ရီတွေချစ်တတ် နေပါပြီကွယ်..

ချယ်ရီ မင်းကို ငါ
စိုက်ပျိုးပြုစုမယ်၊
ရှင်သန်ကြီးထွားစေမယ်..

တစ်နေ့
ယဉ်ကျေးတဲ့ ပန်းပွင့်တွေဝေပြီး
မော်ဒန်မလေးတစ်ယောက် လို
မင်း လှပ၀င့်ကြွားနိုင်စေရမယ်..

တောင်ကြီးချယ်ရီ အဖွဲ့သားတွေ အနေနဲ့ ၀ိုင်းဝန်းပြီး ချယ်ရီ ဥယျာဉ်လေးတစ်ခု တောင်ကြီးမြို့အတွက် လက်ဆောင် ပေးနိုင်မယ် ဆိုရင်..